سنين اعت صويحبي يحفض كفاي
وتالي منة الحصلتها
كسرت حزامي ويكلي
هاي انت الي ردتها
سنين احب وحدة وتحبني
وتالي كالت كافي يمكن طوختها

مجتبى غانم

اخ يا دنيا ولا مفهوم طبعج
صاحبت كلشي وولا صاحبت ربعج
وهذا يمكن ذنبي بيج
لهل السبب يمكن ولا اكدر عليج

مجتبى غانم

فجيعة بكلبي ما تنراد
چن موت الرجل والكاع
كبال عيون فلاحة

مجتبى غانم

وكلبي چفوفة مبتورات
وضم بصفحتة سلاحة
وحزني الليلة اجاني بجيش
يدوي ومن بعيد يخوف صياحة

مجتبى غانم

الليل خاواني على حزني
والفجر وجهَ غريب
والسواد الجوة عيني
ودمعي
لو حزن الاغاني
كلها من اول حبيب

مجتبى غانم

ذبلت چفوفي بشوارعكم ورد
وذبلت القمصان شم

مجتبى غانم

ماگولن بعت بس مارهم مبيوع
انطي لكلشي حجمة وانطي لي حگة
مو مثل البدو مشرع ال ياهو الچان
بابي وما قفلتة بوجه اليدگة

مجتبى غانم

ترة درب اليودي هواي هم يجيب
ومحد مات يا هلناس من فرگة

مجتبى غانم

عزة نفس بية معارك وي الريح
من يضيك اعاند حتى بالشهگة

مجتبى غانم

حرت والمستحى تردني
لا بية اصبر لشوكك
ولا رايدني امشيلك
لا كافر بعينك غيض
ولا اني ال مصليلك

مجتبى غانم

من كثر ما دگن ووكفن عليك
جيبلي چفوف وتعال ننوب الية
بيش احضنك لو اجيت
وصبحت من ليلة ما موجودة ادية

مجتبى غانم

وجيبلي الضحكة وتعال
وجيب كلشي وياك دافي
برد حضني بگد فراغك
والضحك تيه شفافي

مجتبى غانم

اني احبك
حتى لو ميت تجيني
وفوك گبري اكتبلي ذكرى
بلكة يطفة شوي حنيني

مجتبى غانم

غبشة اجاني الخوف ريح
يگلب اوراق التذاكر
ياهي منهن باقية
وبيها اسافر
وابد ما انطاني فرصة
ولا سمع من كتلة باچر

مجتبى غانم

گلي كل العشتة جذبة
ومسرحية القصة چانت
كلها قامت
على استغلال المشاعر
كافي نزلها الستائر
وارجع وشوف الرسايل
والبرود الصاير غلاف الدفاتر

مجتبى غانم

ورجعت ل ايام قصتي
ووين اني ووين انتِ
شفت روحي اركض عليج
وشوكت ما اوصل تبعدين چنتي

مجتبى غانم

اه يا خسارة العمر اه يا ضياعاتي
كل ليلة احن وانتضر
واحسب بدمعاتي

مجتبى غانم

من هسة مكانك يمنة محفوض
واحسب يوم يوم وتجي وتمليه
ياهو اليسوة غيرك بين هلناس
حتى ببين اهلي وبيتي اخليه
شوكت يمنة اشوفك تضحك بصوت
حتى ب اسمك اني البيت اسميه

مجتبى غانم

غيري ابن جاه وقصر
وبينهن كللها العبي
واني ابن حي الفقر
وكلشي ماعندي واحبها بطرگ كلبي

مجتبى غانم

طلابة ثار وي الليل عندي

مجتبى غانم